Article 1 : L'associacion "Leis Amics de Mesclum" e lo jornau "La Marseillaise" organisan, a la prima, un concors literari intitulat "Escriure en lenga d'Òc".

Article 2 : "Escriure en lenga d'Òc" es un concors dubèrt a totei lei publics, sota la forma de novèlas, de còntes, de poèmas, de tèxtes umoristics, de letras, d'estudis, de bendas dessenhadas, en lenga d'Òc, que foguèron jamai publicats. Totei lei grafias son admesas.

Article 3 : La longor dei tèxtes, sus papier libre, es limitada a cinc paginas format A4.

Article 4 : L'estudi deu portar sus un subjèct de literatura, d'istòria, d'economia, d'etnologia... que tòca a l'Occitània. Lo tèxte, en occitan, catalan o francés, es limitat a dètz paginas format A4.

Article 5 : Totei lei tèxtes devon èstre anonims. Soleta la mencion "novèla", "cònte", "umor", "letra", "estudi" o "benda dessenhada" deu imperativament figurar en tèsta de la premiera pagina, per lei tèxtes en pròsa, e tanben la mencion "escolar" per lei participants que fan targa dins aquesta categoria. Cada tèxte deu estre acompanhat d'una envolopa sagelada contenent lei nom, pichòt nom, adreiça completa e numerò de telefòn dau targaire. Per lei escolars, mencionar tanben l'establiment e la classa.

Article 6 : Lei participants devon adreiçar sei mandadís en dos exemplars a :
La Marseillaise - Leis Amics de Mesclum
19 Cours d'Estienne d'Orves, BP 1862
13222 Marseille Cedex 01 Seràn reçauputs fins au 5 de mars de l'annada en cors, darrier relambi

Article 7 : Un participant aguent ja ganhat dos còps un meme prèmi serà mes fòra concors dins aquesta categoria.

Article 8 : En ges de cas leis òbras podràn èstre remandadas a son expeditor.

Article 9 : Lei juradas se recamparàn a la fin dau mes d'abrieu o au començament dau mes de mai per establir un classament dei candidats e atribuïran lei prèmis seguents :

• Especialament per leis escolars e estudiants :
  • prèmi MAX ROQUETA de la melhora novèla,
  • prèmi ANTÒNI BIGOT dau melhor cònte,
  • prèmi ROBERT LAFONT dau melhor poèma,
  • prèmi LA FARE-ALAIS de l'umor e de la galejada,
• Per totei :
  • prèmi VICTOR GELU de la melhora novèla,
  • prèmi JÒRGI GIBELIN dau melhor cònte,
  • prèmi JÒRGI REBOUL dau melhor poèma,
  • prèmi de la Trobairitz JUSTINA de la melhora letra,
  • prèmi VALÈRI BERNARD de la melhora benda dessenhada,
  • prèmi JOSÈP ROUMANILLE de l'umor e de la galejada,
  • prèmi ANTÒNI FORTUNAT MARION de l'estudi melhor.

Lei juradas pòdon atribuïr un prèmi especial a una òbra particuliarament originala.

Article 10 : Lei resultats seràn publicats dins "La Marseillaise", pagina "Mesclum", au començament dau mes de mai. Lei laureats seran avisats per corrier de la remesa dei prèmis que se farà a Nimes, dins l'encastre de l'Universitat Occitana d'Estiu.

Article 11 : Lei melhoreis òbras seràn publicadas dins la pagina "Mesclum" que pareis lo dijòus dins "La Marseillaise" e dins "l'Armanac de Mesclum" de l'annada venenta (parucion en auton).